На наше големо задоволство, ви го најавуваме концертот под наслов Jazz Nova на Националниот џез оркестар кој овој пат ќе се одржи на 6ти март, со почеток од 20 часот во Штип, во просториите на Н.У. Центар за култура “Ацо Шопов.”

На програмата се композиции за биг бенд од наши македонски автори од различни генерации, така што ви ветуваме уште еден незаборавен настан.

Овој концерт е прв од низата концерти кои ќе бидат изведени во текот на годината од страна на нашиот оркестар во градовите низ Македонија. Целта на овие концерти е да допреме поблиску и до публиката која не е сконцентрирана во главниот град, а секако е желна да слушне и ужива во квалитетна музика и изведба.

Билетите по цена од 300 денари може да ги набавите во билетарата на Центарот за култура, секој ден од 16:30 до 20:30 часот.

Штип, и околината, и сите вие кои би сакале да го проследите овој концерт, се гледаме на 6ти март!