Драги пријатели,

ве покануваме на дружба, а поводот за дружење е убав: „Македонски сновиденија (Macedonian Dreams)“, првиот албум на Националниот џез оркестар, сега е достапен и во винил издание.

Па, наместо само да ви кажеме дека плочата е тука, решивме да ја слушнеме заедно.

На 14 октомври, со почеток во 20:00 часот, во „Литература.мк“ во Diamond Mall, ве покануваме на слушачка промоција на албумот. Ќе ги претставиме CD и винил изданијата, ќе го слушнеме албумот од почеток до крај и, секако, ќе се дружиме во живо.

Ако сте од оние што уживаат во звукот на плочата, ако собирате музички изданија, ако сте љубопитни да го слушнете нашиот прв албум или едноставно сте наши пријатели и поддржувачи – оваа вечер е и за вас. Ќе ни биде драго ова прво издание да го споделиме во добро друштво.

Macedonian Dreams – слушачка промоција

• Café Literatura, Diamond Mall
• 14.10.2026, 20:00 часот